• Tweet

• Tweet

මා විසින් අන්වර් මනතුංග බ්ලොග් අඩවිය ආරම්භ කළේ ඔක්තෝබර් මස අගභාගයේදීයි. එහෙත් එය නිසිලෙස ක්‍රියාකාරී වූයේ ඔක්තෝබර් මස 30 වැනිදා සිටය. ඔබ මේ කියවන්නේ ‍අන්වර් මනතුංග බ්ලොග් අඩවියේ 200 වැනි ලිපියයි. එදා මෙදාතුර ලිපි 200ක් ලියමින් මා ආ මග මේ වන විට කිසියම් සංධිස්ථානයකට පැමිණ ඇත. මාගේ ලිපි තුලින් සමාජය දැනුවත් වුවාසේම ඔබ විසින් කරන ලද අදහස් දැක්වීම් හෙවත් කමෙන්ට් තුලින් මා ඉගෙන ගත් දේද බොහෝය.  

 

ජීවිතය යනු පාසලකි. අප එයින් උගත යුතුය. උගත් දේ ක්‍රියාවට නැංවිය යුතුය. නැවත යළි යළි ඉගෙන ගත යුතුය. ඉගෙනුම අවසන් වන්නේ නැත. ක්‍රියාවට නැංවීම අවසන් වන්නේද නැත. මරණය අප කරා හඹා එන තුරු අප සැවොම කරමින් සිටින්නේ මෙයයි. මේ අතර අප තුලින් සමාජයටද යම් යුතුකමක් ඉටු විය යුතුය. එනම් අප විසින් ඉගෙන ගන්නා දේ අන් අය වෙතද පත් කිරීමයි. මෙය ඉතා නිර්මාණශීලීව කළ යුතු එකකි. නැත්නම් අප කොපමණ වටිනා දෙයක් ලබා දුන්නද ජනතාවට එහි වටිනාකම හැ‍ගෙන්නේ නැත.  ජනතාව එහි වටිනාකම හඳුනා නොගත්තේ නම් අප කළ සියළුම ප්‍රයත්නයන් අසාර්ථක වන්නේය.

 

අන්වර් මනතුංග බ්ලොග් අඩවිය මුල් මාසය තුල කියෙව්වේ දෙසිය ගණනකි. නමුත් එහි බැලුම් Views ප්‍රමාණය එන්න එන්නම වැඩි විය. එහි වර්ධනයේ ප්‍රස්තාරයක්ද මේ සමග පෙන්වා ඇත. ඒ අනුව මේ වන විට මේ මාසයේ පමණක් බැලුම් 20,000 කට පමණ ආසන්න වී ඇත. එමෙන්ම අන්තර්ජාල වෙබ් අඩවි සමීක්ෂණයන්ට අනුව එහි තත්වය දිනෙන් දින වැඩි දියුණු විය. මගේ අරමුණ ලංකාවේ හොඳම වෙබ් අඩවි 500 තුලට මෙම බ්ලොග් අඩවිය ගෙන ඒමයි. දැනටමත් අප ඒ කරා ලඟා වෙමින් පවතියි. තනි පුද්ගලයෙක්ගේ බ්ලොග් අඩවියක් ලෙස අන්වර් මනතුංග බ්ලොග් අඩවිය ලබා ඇති සාර්ථකත්වය පිළිබඳව මා ඉතා නිහතමානීව සතුටු වෙමි. සියළු ප්‍රශංසා නැමදුම් මාගේ දෙවිඳුන්ටමය. 

 

අන්වර් මනතුංග බ්ලොග් අඩවිය මේ තාක් දුරකට සාර්ථක කර ගැනීමට අතහිත දුන් ඔබ සැමට මගේ ප්‍රණාමය පල කරමි.

 

 

මෙයට,‍

අන්වර් මනතුංග

 

අනෙක් ලිපි

මාතෘකාව ඕන එකක්! තහනම් වචනය අන්වර් මනතුංග

මම නොදන්න බ්ලොග් කලාව

පාඨක ඔබ සැමට තුතිමල්!!!