• Tweet

• Tweet

මේ දවස් වල බොදුනු සමාජය තුල විවිධාකාරයේ අළුත් අළුත් මතවාදයන් රැගත් නිකායන් බිහි වෙමින් පවතියි. ඒ නිකායන් වලින් මෑතක බිහිවී ඇති අළුත්ම නිකාය නම් මුස්ලිම් පුරුෂයන් මෙන් තොප්පි දමා ගත් පුරුෂයන් සහ මුස්ලිම් කාන්තාවන් මෙන් හිස වසාගත් කාන්තාවන් සිටින බොදුනු නිකායකි. මේ නිකාය පැතිරවීමේ කොන්තරාත්තුව දරා සිටින්නේ “තම්බි අසිපතට එරෙහි සිංහ අසිපත” නම් තවත් මුණුපොත් ගිණුම් හිමි සිඟාලයෙකි. ඒ සිඟාලයා විසින් මූණු පොතේ ඡායාරූපයක් පලකර ඇත.

 

 

මේ නිකාය විසින් පවසන පරිදි මුස්ලිම් අයව බොදුනුවන් බවට පත්කර එම පුරුෂයන් තොප්පි දමාගෙනම සහ කාන්තාවන් හිස වසාගෙනම පංසල් වලට ගෙන යති. ගොසින් මල් පහන් පුදති. යති වරුන් නමදිති. ඉන් පසුව එම ඡායාරූප අන්තර්ජාලය තුලට මුදාහරිති. මේවා නරඹන අය ප්‍රතිචාර දක්වන්නේ බුද්ධාලම්භන ප්‍රීතියක්ද සමගින් සාදු සාදු සාදු! යනුවෙනි. මෙවැනි පට්ට කෙබර විශ්වාස කරන පාඨකයන් ලංකාවේ සිටිනවාද? යන්නද විශ්මය ජනකය. මොවුන් මේ රවටන්නේ තමන්ගේම සහෝදර ජනතාව නොවේද? තමන්ගේම ජනතාව අන්දන මේ අයගේ ඇත්ත ආගම කුමක් විය හැකිද?

 

 

මා විසින් මෙම ඡායාරූපයේ සිටින පිරිමි දෙදෙනා මුස්ලිම් වරුන් නොවන බවට ඡායාරූප සහිතවම ලිපියක්  (http://www.anvermanatunga.com/2012/07/07/new-buddhist/) පල කළෙමි. එවිට මේ සිඟාලයන් කළේ එය එසේ නොවන බවට මොවුන්ගේ මුහුණු වලට සමාන තවත් මුස්ලිම් වරුන් දෙදෙනෙකුගේ ඡායාරූප දෙකක් අමුණා නැවත පලකිරීමයි. ඒ ඡායාරූප සහ පෙර ඡායාරූප එකිනෙකට නොගැලපෙන බව ඕනෑම පුද්ගලයෙක්ට වැටහෙන්නේය. ඔවුන්ගේ අසාර්ථක උත්සාහය අසුවු පසුවත් නොනැවතී තවත් එවැනිම දේ කරන්නේ ඔවුන්ට ලැජ්ජාවක් කියා නාමයක් වත් නැති නිසා නොවේද? 

 

 

ඉන් පසුව කරළියට එන්නේ “තම්බි අසිපතට එරෙහි සිංහ අසිපත” නම්වු මුණුපොත් ගිණුම හිමි සිඟාලයාය. ඒ මෙම තරුණයන් දෙදෙනාගේ පවුලේ අයත් බුදු දහම වැලඳ ගෙන ඇති බැව් පවසමින් කාන්තාවන් දෙදෙනෙකුගේ ඡායාරූපයක් අන්තර්ජාලයට මුදා හැරීමයි. මෙහි පවතින සුවිශේෂීතාවය නම් අර තරුණයන් දෙදෙනා බොදුනුවන් වු පසුත් මුස්ලිම් තොප්පි දමා සිටින්නාක් මෙන්ම මේ කාන්තාවන් දෙදෙනාම හිස වසාගෙනම බුදුන් වැඳීමයි. පසුගිය දිනක රුවන් වැලි මහාසෑය නරඹන්නට ගිය මුස්ලිම් තරුණියක් ඔළුව වසා සිටිනු දුටු බොදුනුවන් එයට විරුද්ධව ඉදිරියට පැමිනීම ගැනද මා කලින් ලිපියක්  නංගියේ උඹට ඔව්වා හොද පාඩම් නමින් (http://www.anvermanatunga.com/2012/05/26/hijab/) ලිව්වා ඔබට මතක ඇති.

 

එයට ප්‍රතිචාර පලකරන්නට පැමිණි බොදුනුවන් පැවසුයේ පූජනීය ස්ථානයකදී හිස නොවසා සිටීම බෞද්ධ සංකෘතියට අයත් බොදුනු සිරිතක් බවයි. නමුත් මේ තරුණයන් දෙදෙනා පමණක් නොව අර කාන්තාවන් දෙදෙනාද එම බොදුනු සංස්කෘතිය ඉතාමත් නිර්ධය ලෙස බැහැර කර ඇති බව ඔබට දැන් වැටහී ඇති. ඔවුන් මුස්ලිම් තොප්පි දමා සහ කාන්තාවන් හිස වසාගෙන පංසල් යන්නේ එහෙයිනි. මොවුන් අළුත් බොදුනු නිකායක අයවළුන් බව මා කියන්නේ එහෙයිනි. මෙම නිකායේ අය විසින් මුස්ලිම් තොප්පි දමාගත් බෞද්ධ භික්ෂූන් සහ හිස වසාගත් මෙහෙණි වරියන්ගේ ඡායාරූප අන්තර්ජාලයට පලකළ හොත් ඒ ගැනද පුදුම නොවන්න. මන්ද ඔවුන් එසේ කරන්නේ ඔවුන් තුල ඇති කුජීත ස්වභාවය නිසාය.

 

 

මෙම ඡායාරූපය දකින විට තවත් දෙයක් මතක් වේ. එනම් මේ ඡායාරූපයේ එන කාන්තාව බුදුන් වැදීම නොකර මුස්ලිම් අය විසින් කරන්නාවු ආකාරයේ දුආ හෙවත් ප්‍රාර්ථනා යැදීමක් සිදුකරයි. ඔබ දන්නා පරිදි ලංකාවේ සිටින්නේ ථෙරවාදී බොදුනුවන්ය. ථෙරවාදීන් විශ්වාස කරන්නේ බුදුරජාණන් වහන්සේ පරිනිර්වානයට පත්වු බවයි. ඒ නිසා ඔවුන් බුදුන් වැන්දද බුදුන්ගෙන් අයදින්නේ නැත. බුදුන් වහන්සේ පරිනිර්වානයට පත් නොවී බෝධි සත්ත්වයෙක් ලෙස සුඛාවතියෙහි වැඩවසන්නේ යැයි විශ්වාස කරන්නේ මහායාන අයයි.  නමුත් මෙම කාන්තාව අයදින නිසා අපට පෙනෙන්නේ ඇය පිළිගෙන ඇත්තේ මහායාන දහම බවයි. එම නිසා මෙම අභිනව නිකාය මහායාන එකක් ලෙසද හැදින්විය හැක. 

 

රටේ බෞද්ධ ජනතාව මෙසේ රවටන්නේ ඔවුන් බෞද්ධ ජනතාව මෝඩයන් බවට සිතන නිසාද? ඔවුන්ව  බොදුනුවන්ව ඕනෑම දෙයකින් රැවටිය හැකි බව සිතන නිසාද?