• Tweet

• Tweet

කෙනෙකු ආගමට දහමට නැඹුරු වීම යනු ඒ තැනැත්තාට පමණක් නොව සමාජයටම යහපතකි. මන්දයත් සියළුම දහම් වල මුලික හරය නම් මිනිසාට යහපත් වීමට උගැන්වීම නිසාවෙනි. අප සියළු දෙනාගේම උත්සාහය විය යුත්තේ අප දැහැමි ‍වන ගමන්ම අපගේ සමාජයද හැකිතාක් ආගමට දහමට නැඹුරු කරවීමයි.

 

නමුත් ලංකාවේ සිදුවන්නේ මෙහි අනෙක් පැත්ත බව පෙනෙන්නට ඇත. ලංකාවේ ප්‍රධාන ආගමට තිබෙන තත්වය කෙසේ වුවද අනෙකුත් ආගම් වලට නම් ඇත්තේ අහිතකර තත්වයකි. එනම් ජනයා ආගම දහමට නැඹුරු වීමට උදව් කරනු වෙනුවට ජනයාට යෑමට ආගමික ස්ථානයක්වත් නොමැති තත්වයට පත් කරන්නට කටයුතු යෙදී තිබේ. විශේෂයෙන් අන්‍යා‍ගමිකයන්ට අළුතෙන් ආගමික හෝ නැමදුම් ස්ථානයක් ඉදිකරන්නට ලංකාවේ බොහෝ ස්ථානවල ඉඩ නොලැබේ. එමෙන්ම තිබෙන ආගමික ස්ථාන සහ නැමදුම් ස්ථාන වසන්නටද බොහෝ විට ක්‍රියාකරමින් පවතියි. මෙය ඇත්තටම අවාසනාවන්ත තත්වයකි. 

 

කෙනෙකු තමන්ට කැමති ආගම ඇදහීම ඒ තැනැත්තා සතු මුලික මිනිස් අයිතිවාසිකමකි. මේ මිනිස් අයිතිවාසිකම ඉටුවන්නට නම් ඒ තැනැත්තාට තමන්ගේ ආගම ඇදහීමට ස්ථානයක් තිබිය යුතුය. විශේෂයෙන් මුස්ලිම් පුරුෂයෙක් නම් අනිවාර්යයෙන්ම නැමදුම් කළ යුත්තේ ජමාත් හෙවත් සාමුහික වශයෙනි. එමෙන්ම මුස්ලිම් පුරුෂයෙක් විසින් අනිවාර්යයෙන් සිකුරාදා දිනයේ ජුම්මා නැමදුම සඳහා මස්ජිදයක් කරා යා යුතුය. ඉතාමත් කණගාටුදායක සිද්ධිය නම් අපේ රටේ මුස්ලිම් වරුන් සංඛ්‍යාවට ප්‍රමාණවත් මස්ජිද නොමැති කමයි. මේ නිසා ජුම්මා දිනවල මස්ජිද වල ඇත්තේ විශාල තදබදයකි. ජුම්මා දිනයක මස්ජිදයක් අසලින් යන මුස්ලිම් නොවන්නෙකුටද මෙය සත්‍යක් නොවේදැයි වැටහෙනු නියතය.

 

අනෙක් පසින් ඇති ප්‍රධාන ගැටළුව නම් බොහෝ ලංකා මුස්ලිම් වරුන්ට තමන් සිටින ප්‍රදේශයට ආසන්නව නැමදුම් ස්ථාන නොමැති වීමයි. මේ නිසා බොහෝ දෙනෙක් පංචකාල නැමදුම් සඳහා වෙනත් ස්ථානයකට පයින් හෝ වාහනයකින් යාමට සිදුවී ඇත. එහිදී නැමදුමට වඩා කාලයක් මස්ජිදය කරා ගමනට වැය වේ. දිනකට පස්වතාවක්ම මස්ජිදයට යන පුද්ගලයෙකුට මෙය ඉතාමත් අපහසු තත්වයකි. එමෙන්ම කාලය මගටම වැය වීම ඔහුගේ දෛනික වැඩකටයුතු වලටද බාධාවකි. මේ නිසා ඔවුන්ට පහසු තැන් වල නැමදුම් ස්ථාන ඉදිවෙනවා නම් එයින් ඔවුන්ට වෙන්නේ පහසුවක් මෙන්ම රටටද වෙන්නේ යහපතකි.      

 

ලොව බොහෝ ස්ථාන වල රැකියා ස්ථාන, ව්‍යාපාරික ස්ථාන වල කුඩා නැමදුම් ස්ථාන ඇත්තේ එහි පැමිණෙන සහ සේවය කරන මුස්ලිම් වරුන්‍ගේ නැමදුම් කටයුතු පහසු කරවනු පිණිසය අපේ රටේ එම පහසුකම දක්නට නොමැති තරම්ය. නමුත් මුස්ලිම් වරුන් ඉතාමත් ස්වල්පයක් සිටින ජපානයේ පවා එවැනි නැමදුම් ස්ථාන ඇත.

 

Given the increase in the Muslim population, some Japanese companies are deciding to accommodate their prayers. USS Co., a major used-vehicle auction firm, began building prayer rooms inside its auction houses four years ago.

Representative Executive Vice President Dai Seta said, “We created them because we had more and more customers from Islamic countries.” Now most of the firm’s 18 auction sites around the nation, including the one in Yokohama, have prayer rooms.

Customers seemed to be pleased. One Iranian said he used to pray in nearby parking lots, but that now he and others have gravitated to the auction house and its prayer room.

උපුටා ගැනීම http://www.muslimpopulation.com/asia/Japan/Muslims%20in%20Japan.php

 

ඒ රටවල රජයන් විසින් එසේ නැමදුම් සඳහා අවසර දෙන්නට ප්‍රධානතම හේතුව නම් එමගින් මුස්ලිම් වරුන්ගේ දෛනික කටයුතු පවත්වාගෙන යෑමේ පහසුව නිසාය. සිංගප්පුරුව වැනි රටක නම් නවක මස්ජිදයන් ගොඩ නැංවීමට රජය විසින්ම සංස්ථාපිත ආයතන ව්‍යූහයක් ඇත. බලන්න http://infopedia.nl.sg/articles/SIP_1534_2009-06-23.html

 

මෙහිදී ආගම්බේධවාදීන් පවසන්නේ මුස්ලිම් වරුන්ගේ මුදුන් මල්කඩ වන සෞදි අරාබියේ අන්‍ය ආගමික ස්ථාන නැති නිසා ලංකාවේද එසේ කළ යුතු බවයි. මෙය ඇත්තටම ඉතාමත් අමන සහ මෝඩ තර්කයකි. මන්දයත් සෞදි අරාබියාව යනු 99% කට ආසන්න සංඛ්‍යාවක් මුස්ලිම් ජනතාව සිටින රටකි. එහි මුස්ලිම් නොවන්නන් සිටින්නේ රැකියා සඳහා පැමිණි අයවළුන් පමණි. අනෙක් කාරණය නම් ලොව සිටින මුස්ලිම් රටවල් ප්‍රමාණය‍ ගෙන බලන විට සෞදි අරාබියාව යනු එක් රටක් පමණි. අනෙක් බොහෝ රටවල අන්‍යාගමිකයන්ගේ ආගමික ස්ථාන විශාල වශයෙන් තිබෙන කල සෞදි අරාබියාවම ගෙන තර්ක කරන්නට හදන්නේ තමන්ගේ වැරදි වසා ගැනීමටයි.

 

අනෙක් අතින් ලංකාවේ ජනගහනයෙන් සියළුම දෙනාම බොදුනුවන්ද නොවේ. ලංකාවේ ජනගහනයෙන් තුනෙන් එකක්ම අබෞද්ධයන්ය. එවැනි ජනසමාජයක අනෙකුත් ආගමිකයන්ගේ අයිතියටත් ඉඩ ලබා දිය යුතුය. ඇත්තටම අද වන විට ලංකාව බහුආගමික සහ බහුසංස්කෘතික රටකි. එවැනි රටක සියළුම ආගම් වලට සහ සියළුම සංස්කෘතීන්ට ගරු කිරීමට රජය පෙලඹිය යුතු අතර ජනතාවද ඊට හුරු කළ යුතුය. නැත්නම් සිදුවන්නේ රටේ ජනතාව අතර සහජීවනයක් ඇති නොවී රට දවසින් දවස අර්බුධ කරා යාමයි.