• Tweet

• Tweet

ඉහත මාතෘකාව යටතේ මහා රාවණ බලකාය නම් තුච්ඡ ආගම්බේධවාදියෙක් විසින් මූණු පොතට පෝස්ටරයක් සහ ලිපියක් පලකර ඇත. ඔහු එය උපුටා ගෙන ඇත්තේ තවත් ආගම්බේධවාදියෙක් විසින් පවත්වා‍ගෙන යන අන්නිසා anniisa නම්වු බ්ලොග් අඩවියකිනි. ඇත්තටම මෙවැනි අලජ්ජික ම්ලේච්ඡයන් අපේ රටේ සිටීම අපටද ලැජ්ජාවකි. කෙසේ නමුත් ඔවුන් මේ නගන මුසාවන් පිළිබඳ ජනතාවට සත්‍ය එළිදරව් කිරීම් වස් මේ ලිපිය ලියමි.

 

 

දැන් මම ඔවුන්ගේ කරුණු උපුටා දක්වමින් ඊට යටින් සත්‍ය කරුණු පහදා දීමට අදහස් කරමි.

 

උපුටා ගැනීම

මහා රාවණ බලකාය (MRB)

 

ඉස්ලාමයේ පූජණීය වස්තුව කාන්තා රහසඟයි

සියළු ඉස්ලාමික පිරිමි මක්කම යම්කිසි කළු වස්තුවකට හාදු දෙනව. මේක ලෝකෙම දන්න කාරණයක්. බොහෝ දෙනෙක් හිතන්න පුළුවන් ඇයි මේ කියල. ඔබ ලෙබ්බෙ කෙනෙක් ගෙන් ඇසුවොත් කියාවි මේක ආවෙ දෙව්ලොවින්, එකම එකයි ලෝකෙටෙම තියෙන්නෙ කියල.

උපුටා ගැනීම අවසන්

 

ඇත්තටම මොවුන් මේ පවසන්නේ කුමක් ගැනද?

 

මක්කාහ් නුවර කාබා සිද්ධස්ථානයේ උතුරු කෙලවර දොරට ආසන්නයේ පිහිටා ඇති කළු පැහැති ගලක් ඇත. මෙය මුස්ලිම් වරුන් විසින් හඳුන්වන්නේ හජරුල් අස්වද් යන නමිනි. එහි අරුත කළු ගල – අල්-හජර් අල්-අස්වද් The Black Stone (Arabic: الحجر الأسود‎ al-Ḥajar al-Aswad) යනුයි. මෙය වර්තමානයේ රිදී රාමුවක් සවිකරනු ලැබ ඇත. මුස්ලිම් වරුන් කාබා සිද්ධස්ථානය හත් වතාවක් තවාෆ් හෙවත් පැදකුණු කිරීමේදී හජරුල් අස්වද් ගල තිබෙන තැන එහි ආරම්භක ස්ථානය වශයෙන්ද පිළිගනිති. එමෙන්ම විශ්වාසනීය නබි වදන් අනුව එය ස්වර්ගයේ සිට පැමිණියාවු ගලක් වශයෙන් මුස්ලිම් වරුන් විශ්වාස කරති.    

 

අබ්දුල්ලා බින් අබ්බාස් පවසන පරිදි මුහම්මද් නබි තුමාණන් මෙසේ පවසා ඇත. “මේ කළු ගල (හජරුල් අස්වද්) පහල වුයේ ස්වර්ගයෙනි. එමෙන්ම එය කිරි වලට වඩා සුදුව තිබුණි. නමුත් මිනිසාගේ පාපකාරී ක්‍රියා නිසා එය කළු පැහැ විය.” (මුලාශ්‍රය අත්-තිර්මිදි ග්‍රන්ථය, හජ් 49) තවත් නබි වදනක සඳහන් වන්නේ “කළු ගල පැමිණියේ ස්වර්ගයෙනි. එය හිම මෙන් සුදු පැහැතිව තිබුණි. නමුත් බහුදේවවාදීන්ගේ වැරදි නිසා එය කළු පැහැයට හැරුණි.” (මුලාශ්‍රය එල්-ෆෙතුර් රබ්බානි12: 26) නමුත් තවත් සමහර නබි වදන් වල සඳහන් වන්නේ එය කළු පැහැ වුයේ ගින්න නිසා බවයි. (මුලාශ්‍රය  Ebû’l Veled el-Ezraki. Kabe ve Mekke Tarihi, s. 36-54)

 

උපුටා ගැනීම

කබා වල ඇති පිළිම වලින් එකක් තමයි එයට අමුණා ඇති කාන්තා යෝනියේ අනුරුව, ඉස්ලාමය බිහිවීමට පෙර අරාබිකාරයෝ වන්දනා කලේ, මෙන්න මෙකෙන් තමයි අපි ආවෙ, මේක තමයි ආරම්භය කියල ස්ත්‍රී ලිංගිකත්වය ඒක තමයි මේ යෝනියේ ආරම්බය. ලෙබ්බෙලා මේකට හාදු දෙන්නෙ ඇයි?..මොහොමඩ් නබි(සල්) සීය හාදු දීපු නිසා. ඔබ ලෙබ්බෙගෙන් ඇහුවොත් ඇයි නබි(සල්) ඒකට හාදු දුන්නෙ කියල, ලෙබ්බේ කියාවි ඒක දෙව්ලොවින් ආපු ගලක් නිසා කියල, නමුත් ඒක හාදු දෙන්න තරම් හේතුවක් නෙමෙයිනෙ?

උපුටා ගැනීම අවසන්

 

මෙම ගල වටේට රිදී රාමුවක් සවිකර ඇති නිසා මොවුන් එය ස්ත්‍රී යෝනියක අනුරුවක් යැයි වරදවා වටහා ගෙන ඇති බැව් පෙනේ. මෙම ගල වටේට රිදී රාමුවක් සවිකර ඇත්තේ ඉතා පසුකාලීණවය. එය එහි ආරක්ෂාව සහ අලංකාර බව වැඩි කිරීම යොදන්නට ඇති බවට සිතිය හැක. නමුත් හජරුල් අස්වද් ගල දෙස ඉතාමත් සමීපව බලන කෙනෙකුට එය ස්ත්‍රී යෝනියක අනුරුවකට කිසිසේත්ම සමාන නොවන බව සනාථ වේ.   

 

ඉස්ලාමය බිහි වීමට පෙර අරාබි වරුන් නැමදුවේ එකල කාබා සිද්ධස්ථානයේ තිබුණු ප්‍රථිමාවන්ටය. මුහම්මද් නබි තුමාණන් ප්‍රමුඛ මුස්ලිම් වරුන්ට එය අයත් වන්නට පෙර එහි ප්‍රථිමාවන් 365 ක් පමණ තිබුණු බව නබි වදන්හි සඳහන් වේ. මුස්ලිම් වරුන් මෙම ගල සිඹින්නේ මුහම්මද් නබි තුමාණන් විසින් කළ නිසයි. එතුමන්ට පසුකලෙක හජ් වන්දනාවක යෙදුනු කලීෆා උමර් තුමාණන් එම ගල අමතා මෙසේ පවසා ඇත. “මම ඔබ සිඹින්නේ මුහම්මද් නබි තුමාණන් එසේ කළ නිසයි. නමුත් නුඹට කිසිවක් (යහපතක් හෝ අයහපතක්) කළ නොහැකි බව මා දනිමි.” කෙසේ වුවද මුස්ලිම් අප විසින් අපගේ මහාර්ඝ ශාස්තෘවරයාණන් වන මුහම්මද් නබි තුමාණන් අනුගමනය කිරීම හැර මෙහි වෙන කිසිදු ගුප්ත අර්ථයක් නැත.

 

උපුටා ගැනීම

ක්‍රිස්තියානුවො මේරිගේ පිළිම වලට හාදු දෙනව කියල ලෙබ්බෙලා කියනව. නමුත් මේ ක්‍රිස්තියානු කෙනා කියන්නෙ නම් ඒක අනුමත දෙයක් නෙමෙයි කියල. දස පනත බොහොම පැහැදිළියි. කලාවක් ලෙස මිස පිළිම හදන්නෙ නැහැ ක්‍රිස්තියානුවො.

උපුටා ගැනීම අවසන්

 

මෙතැනදී මෙම ම්ලේච්ඡයන්ගේ අරමුණ ඉතාමත් පැහැදිලි වේ. ඔවුන් කිතුණුවන් කරන දෙය සුද්ද කරන්නේ සහ ඔවුන්ට කඩේ යන්නේ ඔවුන් බටහිර එන්.ජී.ඕ නඩයේ ලාංකික ඒජන්තයන් නිසා හැර අන් කවර හේතුවකටද? බයිබලයේ නික්මයාම පොතෙහි 20 වන පරිච්ඡේදයේ මොසෙස්ට ලැබුණු දස පණත තුල කැපූ රූපයක් හෝ කිසිදු පිළිරුවක් තබා නොගන්නා ලෙස පැහැදිලිව අණ කර ඇත.

 

උපුටා ගැනීම

ගලක් අල්ලා ව නියෝජනය කරනවද? නැහැ නෙ?. ඒ ගල ශුද්ධ වූ දෙයක්ද? ගලක් කොහොමද ශුද්ධ දෙයක් වෙන්නෙ? තවත් විකාර ගොඩයි මේ ගල ගැන, ඉස්සර මේක සුදු පාටයි ලු, දැන් කලු වෙන්නෙ හේතුව තමයි හාදු දෙනකොට එහෙම කරන කෙනාගෙ ගඳ උරා ගන්නවලු, එහෙම නම් මේක දැන් මොන තරම් කුණු කන්දරාවක් වෙන්න ඕනෙද නේද? පලාතෙ යන්න බැරි තරම් ගඳ වෙන්න නම් හොඳටම ඉඩ තියෙනව. මෙහෙ මුස්ලිම්ස්ල බාල සෙන්ට් ගහන් කුණු දාඩිය ගඳ වහගන්නව වගේ ඒ ගලත් සෙන්ට් වලින් නාව නාව ඇති.

උපුටා ගැනීම අවසන්

 

මුස්ලිම් වරුන් විසින් හජරුල් අස්වද් ගල දේව නියෝජනයක් වත් ශුද්ධවු දෙයක් ලෙසවත් නොසලකති. ඒ බව මා කලින් උපුටා දැක්වු කලීෆා උමර් තුමාගේ ප්‍රකාශයෙන්ම පැහැදිලි වේ. ඊට පහතින් ඔහු සඳහන් කරන සියළු දේ ඔහු විසින් ගෙතු හෝ ඔහු විසින් උපුටා ගන්නා ලද කිසියම් ඉංග්‍රීසි වෙබ් අඩවියක් විසින් ගෙතු ඒවාය.

‍
උපුටා ගැනීම

මම මේ කියන්න යන්නෙ ඇත්තටම එතන වෙන දේ, ඔබ ඉස්ලාම් වුනත් මේව නොදන්නව වෙන්නෙ පුළුවන්, හොඳින් අහගන්න, සූරා 7 වර්ස් 31 . මේකේ තේරුම තමයි ‘කබා’ වටේ අමු නිරුවතින් යන අරාබි ජනයා යන්නයි. සියළුම ශුද්ධ වූ ග්‍රන්ථ වල මේ ටික කියල තියෙනව. ඉතින් මේ ගල ස්ත්‍රී යෝනියක් වගෙයි, අපිට වර්ස් වලින්ම ඔප්පු වෙනව නිරුවතින් මිනිසුන් මේක වටේ ගියා කියල, මේ යෝනියට හාදු දුන්නා කියල. මේ තමයි ඉස්ලාමයේ යෝනි දෙවි පූජාව. හැම හජ් එකටම මුස්ලිමුන් නටන මේ විකාරෙ අරාබි ඉතිහාසයේ ඉස්ලාමෙ බිහිවෙන්නෙත් කලින් පටන් තිබ්බ. අලුත් දෙයක් නෙවෙයි.

උපුටා ගැනීම අවසන්

 

මොහු උපුටා ගන්නා ලද අල්-කුර්ආන් පරිවර්තන පදය දැන් මම ඔබට ඉදිරිපත් කරන්නම්

 

ආදම්ගේ දරුවනි! සියළුම නැමදුම් වෙලාවන්හිදී නුඹලාගේ අලංකාරය (රඳවා) ගනු. තවද නුඹලා අනුභව කරනු. පානය කරනු. නමුත් සීමාව ඉක්මවා නොයනු. නියත වශයෙන්ම උන්වහන්සේ (අල්ලාහ්) සීමාව ඉක්මවා යන්නන් ප්‍රිය නොකරන්නේය.

අල්-කුර්ආනය 7: 31

 

මෙම පදයේ අලංකාරය නැමති වචනයට අරාබි බසින් යොදා ඇත්තේ (z)සීනත් යන පදයෙන් අදහස් කෙරෙනුයේ සම්පුර්ණ සහ නිසියාකාර වස්ත්‍රය යනුයි. ජනයා නැමදුමෙහි යෙදෙන විට සම්පූර්ණ වස්ත්‍රයෙන් සිටින ලෙස මෙම වාක්‍යය ඔවුන්ට අනුශාසනා කරයි. මේ තර්කය සඳා විළිවසා ගැනීමට අමතරව හුදෙක්ම නීතිය අනුව සඟවා තබා ගතයුතු කොටස් ආවරණය කිරීම පමණක් ප්‍රමාණවත් නොවේ. මේ අනුව සෑම කෙනෙකුම තමන්ගේ ආදායම් තත්වය අනුව කාර්යයන් දෙකම ඉටු කිරීම සඳහා නිසිපරිදි විනීතව වස්ත්‍ර හැඳිය යුතුය.

 

එකල සිටි නූගත් ජනයා යොදා ගෙන තිබුණාවුද ඉන්පසුව යොදාගණිමින් තිබුණාවුද වැරදි ආකල්පය බිඳ හෙළීම මෙම නියෝගයේ පරමාර්ථය විය. කිසිවෙක් සම්පූර්ණයෙන්ම නිර්වස්ත්‍රව හෝ අඩ නිරුවතින් අල්ලාහ්ට නැමදිය යුතු යැයිද උන්වහන්සේ ඉදිරිපිට අවුල්වු කෙස් සහිතව පෙනී සිටිය යුතු යැයිද ඔවුහු සිතූහ. මීට සහමුලින් ප්‍රතිවිරුද්ධ වන අල්ලාහ් නමදින වෙලාවේදී සම්පූර්ණයෙන්ද නිසියාකාරව සහ විනීතවද හැඳ සිටිය යුතු බවට අණ කර ඇත. එමෙන්ම අල්පමාත්‍රවු හෝ අපිරිසිදු කමක් සහ අවිනීත පෙනුමක් නොතිබිය යුතු බවටද මෙහිදී අණ කර ඇත.  

 

මෙහිදී මෙම අලජ්ජීන් පවසන පරිදි යෝනි නැමදුමක් ජාහිලියා හෙවත් ඉස්ලාමයට පෙර යුගයේ‍දීවත් තිබී නැත. මෙය මොවුන් විසින් ඉතාමත් සාහසික ලෙස ගෙතු මුසාවක් බවට දැන් මෙම ලිපිය කියවන ඔබටද වැටහී ඇති බව නොඅනුමානය.

උපුටා ගැනීම

දැනුත් මේ ඉස්ලාම් ගෝත්‍රික නිරුවත් නාඩගම තිබ්බනම් ලෝකෙටම බලාගන්න පුළුවන් ලෙබ්බෙලාගේ කැතම කැත, අඩුපාඩු සහිත, සීමා රහිත අධික භාවිතය නිසාම විකෘති වූ පුරුෂ ලිංග ටික. අදටත් ‘කබා’ වටේ පුරුෂයෝ යන්න ඕනෙ යට ඇඳුම් නැතිව, ඒව තහනම්. උඩුකය නිරුවත්ව යන්තම් රෙදි කෑල්ලක් ඔතාගෙන තමයි යන්නෙ. කාන්තාවන් නම් තනපට, පෑන්ටි යට ඇඳුම් සියල්ල නැතුව අතුල පාලුවට යා යුතුයි. ඇයි මේ?

උපුටා ගැනීම අවසන්

 

මුස්ලිම් වරයෙක් හජ් හෝ උම්රා වන්දනාවේ යෙදෙන විට අඳින්නේ ඉහ්රාම් වස්ත්‍රය, උඩුකය වැසීමට එකක් සහ යටිකය වැසීමට එකක් වශයෙන් රෙදි කඩ දෙකකි. මෙයින් අරුත් ගැන්වෙන්නේ ලෞකික සියල්ල අත්හැරීමයි. නමුත් කාන්තාවන්ට සිය සම්පූර්ණ වස්ත්‍රයෙන් සැරසී සිටිය හැක. කාන්තාවන් උඩු වස්ත්‍රයට යටින් නග්නව සිටිනවා යැයි පැවසීම අමුලික මුසාවකි.  

 

උපුටා ගැනීම

කාමුක ලෙබ්බෙලා මොනතරම් තම තමාගෙ අවශ්‍යතා මේ සෙනග මැද අපෙ වන්දනා කරන කාන්තාවන් අතපත ගෑමෙන්, ඇඟට තද වීමෙන්, මිරිකීමෙන්, ඇඟිලි ගැසීමෙන්, අල්ලාගේ නාසයට යටින් සිදුකරගන්නවාද කියා ඉස්ලාම් අපෙ හජ් වන්දනාව කල, ඇත්ත කියන, සො‍යුරියක්ගෙන් අසා දැනගන්න.

උපුටා ගැනීම අවසන්

 

හජ් සහ උම්රා වන්දනාවේ යන කාන්තාවන් සහ පුරුෂයන් එහිදී රාත්‍රියේදී නිදා ගන්නේද වෙන වෙනමය. ඒ මුස්ලිම් වරයෙක් හෝ මුස්ලිම් වරියක් මෙම වන්දනා කාලය තුල බ්‍රහ්මචාරීව (අඹුසැමි සබඳතා රහිතව) විසිය යුතු බැවිනි. මෙම අලජ්ජීන් විසින් ඉහත පවසා ඇති සියළුම දේ මුසාවන් එමගින් ඔබට පැහැදිලි වනු ඇති බව නොඅනුමානය.  

 

ඉස්ලාම් සහ මුස්ලිම් අප වෙත අන්තර්ජාලය තුලින් මෙවැනි මඩ ප්‍රහාර කරමින් සිටින්නා‍වු මොවුන්ගේ බලාපොරොත්තුව කුමක්ද? ඇත්ත වශයෙන්ම මොවුන්ට අවශ්‍ය ආගම් අතර වෛරයක් ගොඩ නැගීමයි. ලංකාවේ සිටින සාමය ලැදි ජනතාව මෙය තේරුම් ගත යුතුය. එමෙන්ම මෙවැනි අලජ්ජීන්ගෙන් දහම් වලට වෙන අපහාසය වැලැක්වීමට දැන්වත් රජයේ නිසි අවධානය යොමු විය යුතුය. මෙයට රජයේ අවධානය යොමුකරවා ගන්නට සමාජයේ සිටින නායකයන් ඉදිරියට පැමිණිය යුතුය. නැත්නම් මේ අලජ්ජීන් විසින් දිනෙක මේ රට ලේ විලක් කරනු නොඅනුමානය.