කුඩා කාලයේ පටන්ම මත්පැන් දුම්වැටි පිළිකුල් කළ මා, ඒවාට ඇබ්බැහි වන්නන් සමග තර්ක විතර්කද කළෙමි. මේ නිසා පසුකාලීනව පාසලේ අමද්‍යප සංගමයේද කටයුතු කරන්නට හැකි විය. කලක් ගියපසු වැඩිමහල් සිසුවෙක් ලෙස පාසැල් අමද්‍යප සංගමයේ සභාපති තනතුරටද තරඟ කිරීමට ඉදිරිපත් වුණි. මට ප්‍රතිවාදියා වුයේ ධනවත් පවුලක දරුවෙකි. මම ඔහුට වඩා වසරකින් බාල විය. නමුත් මා තුල තිබුණු දක්ෂතාවයන් පිළිබඳව මට තිබුණු විශ්වාසය නිසා තරඟයට ඉදිරිපත් වුයෙමි. නමුත් මගේ බලාපොරොත්තු සුන්කරලමින් මගේ ප්‍රතිවාදියා ජයග්‍රහණය කරන ලදී. මෙයට අප පාසලේ සිටි ගුරුවරියන් කිහිපදෙනෙකු හවුල් වු බව මා දැනගත්තේ බොහෝ කලකට පසුවය. මෙම තනතුර මා හට ලැබිය යුතු යැයි මා තරයේ විශ්වාස කළ නිසා, ඉන් පසුව මට අමද්‍යප සංගමයේ ක්‍රියාකාරී වීමට මන්දෝත්සාහයක් ඇතිවිය. ඒ නිසා මම එහි අක්‍රීය සාමාජිකයෙක් බවට නිරායාසයෙන්ම පත්විය. Continue reading →

අතීතයේ සුද්දන් විසින් මෙරට ජනතාව අතර සිගරට් ප්‍රචලිත කළේ කෙසේදැයි මගේ පියා වරක් පවසනු මා අසා ඇත. එකල ඔවුන් රටේ විවිධ ප්‍රදේශ වලට ගොස් ජනතාව අතර නොමිලේ සිගරට් බෙදා දී ඇත. ඒ වන විටත් සුරුට්ටු සහ බීඩි වැනි දුම්පානයන්ට ඇබ්බැහි වී සිටි පුද්ගලයන් මෙම නව දුම්පානයට පුරුදු වන්නට ඇත. කෙසේ වුවද එදා සුද්දාගෙන් නිකම් බිව් සිගරට් එක දිරවා ගත නොහී දැන් පරම්පරා ගණනාවක පටන් අප සුද්දාට නය ගෙවමින් සිටිමු. (මේ ලියුම්කරු වන මම එවැනි සිගරට් බොන පල් මෝඩයන්ගේ සමාජයට අයත් නොවන නමුදු අපත් ගෙවමින් සිටින්නේ එලෙස සිගරට් බොන්නන්ගේ කරුමයයි) පහත සඳහන් වන්නේ තවත් එවැනිවු ප්‍රයත්නයක්දැයි සිතේ. මෙවැනි දේ පිළිබඳව ජනතාව දැනුවත් කිරීම මාධ්‍ය සතු වගකීමක් වුවද අපේ රටේ කිසිදු මාධ්‍යයක් එවැනි දේ කරනු අප දැක නැත.     Continue reading →