මා කුඩා කාලයේ අප ප්‍රදේශයේ ඉංග්‍රීසි නමකින් හැඳින්වුන කර්මාන්ත ශාලාවක් විය. මෙම කර්මාන්ත ශාලාව ආරම්භ කර ඇත්තේ ඉංග්‍රීසි ජාතිකයෙක් වුවද අපේ කාලයේ මෙම ආයතනයේ හිමිකරුවා වුයේ සිංහල කෙනෙකි. පසුව ඔහුගෙන් දරුවන්ට එය උරුම විය. මේ දරුවන්ගේ පාලන කාලයේ කර්මාන්ත ශාලාව තුල වැඩවර්ජනයක් දියත් විය. එම වර්ජකයන්ගේ ඉල්ලීම් පාලනාධිකාරියට දීමට අපහසු බව පැවසීම නිසා එය අඛන්ඩ වැඩවර්ජනයක් දක්වා දික් විය. මාස කිහිපයකට පමණ පසුව එම කර්මාන්ත ශාලාවේ හිමිකරුවන් එය විකුණා සේවකයන්ට වන්දි ලබාදී කර්මාන්ත ශාලාව වසා දමන ලදී. දැන් එම ස්ථානයේ තිබෙන්නේ සාප්පු සංකීර්ණයකි. මෙම සිද්ධියෙන් එහි සිටි සේවකයන්ට යම්කිසි වන්දියක් හිමිවීම නිසා ඔවුන් ආර්ථිකව යම් ස්ථාවරත්වයකට පත්වෙන්නට ඇත. නමුත් ඔවුන්ගේ එම ක්‍රියාව නිසා රටේ නිශ්පාදන ධාරිතාවයට අගයක් එක්කලාවු කර්මාන්ත ශාලාවක් රටට අහිමි විය. ඔවුන්ගේ බඩ වියත සුරැකුනද අනාගතයේ දරුවන් රැසකගේ බඩ වියත රැකුමට එම ආයතනය අද නැත. Continue reading →